brugðið á leik ... fjölskyldublogg

brugðið á leik ... er blogg um prjón, handavinnu og aðra hönnun sem gleður augað og nærir sálina.
Showing posts with label einband. Show all posts
Showing posts with label einband. Show all posts

Monday, March 21, 2011

Túrkis kjóllinn hennar Hörpu Hua Zi

Þetta er Túrkis kjóllinn hennar Hörpu Hua Zi sem ég kláraði í gær 20. mars.
Ég fann gamlan lit af plötulopa þegar ég var í bústaðnum hennar mömmu 
um síðustu helgi og datt í hug að blanda honum við dekkri lit af einbandi !
Eins og fyrri daginn þá er þetta prjónað af fingrum fram - engin uppskrift en ég skrifaði niður það sem ég gerði þannig að það væri hægt að setja þetta upp í uppskrift, kannski geri ég það seinna og set á Ravelry ?
Það þarf ekki nema 1 plötulopa og 2 dokkur af einbandi í kjólinn.

Harpa fór í kjólnum í leikskólann í dag og var alsæl með hann :-)





Wednesday, March 16, 2011

Mix Max - kjóllinn

Þetta er þróunarsaga Mix Max kjólsins: 

Ég hafði dottið niður á prjónahönnun Rodarte systranna og það varð þvílík innspýting fyrir mig
þannig að rétt eftir áramótin 2010/11 byrjaði ég í tilraunastarfssemi.

Mér finnst svo gaman að kaupa eina og eina dokku af garni og veit svo ekkert 
hvað ég á að gera við það þannig að mér fannst tilvalið að nýta það í svona verkefni.
Ég byrjaði fyrst að nota hærusvartan léttlopa með skærum litum 
eins og sést á fyrstu myndinni, en hætti svo við það afþví mér fannst það of miklir kontrastar.

Þannig byrjaði ég uppá nýtt og í þetta sinn með dökk mórauðan lit í léttlopa.
Lét svo bara stemningu ráða því hvaða garn og lit ég valdi næst :-)
Notaði margar stærðir af prjónum og prjónaði mislangt fram og tilbaka 
einnig sló ég stundum uppá til að gera götin stærri.
Mest notaði ég léttlopann með einbandi en fannst líka fallegt að setja angóru og móhair.
Það hefði verið algjör geggjun að ganga frá endum þannig að ég prjónaði bara alla enda saman.

Erfiðast var að vita ekki hvort ég væri komin með jafnt að framan og aftan 
því það er auðvitað vonlaust að telja umferðir í svona flík. 
Þannig brá ég á það ráð að láta kjólinn hanga til þess að sjá hvort hann væri missíður 
og gat þá bætt við umferðum þar sem vantaði á. 

Það sem kom mér á óvart var hversu hlýr hann er með öllum þessum götum 
ég þarf ekki að fara í annað en léttan hlýrakjól undir hann.
Hann er einstaklega þægilegur og léttur auðvitað ! 

Stundum set ég belti en það þarf ekkert endilega.
Mér hefur þótt gaman hversu góð viðbrögð ég hef fengið á kjólinn
á Facebook, Ravelry og svo auðvitað þegar ég hef mætt í honum í vinnuna.
Kannski geri ég eitthvað meira í þessum dúr seinna ?









Sunday, February 27, 2011

Daisy Stich - prjónamynstur

Daisy Stitch prjónamynstur


Hér eru mínar útfærslur á Daisy Stich !
3 neðstu myndirnar snúa á hlið - á eftir að finna út hvernig er hægt að snúa þeim rétt !

3 brugðnar saman + slegið uppá + 3 sléttar aftur í sömu.
Önnur hver röð alltaf prjónuð brugðin (sl. framanfrá séð)


 
Mynstrið endurtekið beint fyrir ofan.
3 sl. saman + slegið uppá + 3 sl. aftur saman.
Önnur hver röð prjónuð slétt (brugðin framanfrá séð)





Önnur hver röð prjónuð brugðin til baka.3 sl. saman + slegið uppá + 3 sl. aftur í sömu 3

Önnur hver röð prjónuð slétt til baka.3 sl. saman + slegið uppá + 3 sl. aftur í sömu 3

Wednesday, February 23, 2011

Vesti og sjal úr einbandi



Var svo heppinn að áskotnast þetta fallega vesti og sjal úr einbandi.
Hafði gaman af því að nemendur mínir virtust alveg vera að fíla þetta "gamla" look.
Pilsið úr tweed er eitt af mörgum sem mamma mín var svo elskuleg að sauma á mig í fyrra.